說實話，我留意的股票真的少之又少，有時看見有網上寫唔同行業的股票，Watch-list當中有數十隻股票，朋友會叫我留意呢隻果隻美股（有朋友能夠同你一齊研究股票，會節省好多了解唔同行業股票的時間）
思前想後，自己對好多行業認知太少，單看年報，根本難以有深入的見解。而港股市場行業單過單一化，有錢都寧願投入到美股市場。
今個月加左少少ServiceNow（Now），就在公佈業績之後，雲計算這個行業的潛力不容忽視。
而蘋果公佈業績之後大升5%，也為整個倉位帶來可觀的收入。其實過去幾個月蘋果的基本面沒有太大的改變，新手機稍作減價、與高通達成協議、蘋果服務收入持續增長，我憧憬之後出的Apple TV+、Apple News、Apple Card和遊戲會為蘋果帶來更強大的服務收入。作為果粉的我看見蘋果升左咁多，幫我對沖左最近買新iPad的開支，實在高興。
呢個月有思考到會唔會本地快餐股基本面有所改變，特別留意到自己的出外用餐習慣有所改變，當出去揾野食既時候，大快活大家樂等快餐店好似從我的選項中剔走，會較為傾向選擇食唔同菜式的餐廳，特別留意到商場的餐廳愈開愈多，唔同菜式都有。係香港本地餐飲的市場中，可能日後的競爭只會愈黎愈激烈。
增持ServiceNow的面值剛好等於持有大快活的面值，可能會在短期之內要放棄呢隻股票。在我呢個年齡，我不希望過度追求息率，反而資產上的增值更重要。
