現時倉位 - ３月結

由上年二月開始接觸股票市場，到九、十月市場一片熊市氣氛，最高峰倉值輸掉差不多百分之十五的倉位。當時心情灰到極點，辛辛苦苦工作的血汗錢數個月輸掉。投資是一門深奧的學問，非睇幾個財演分折，睇下圖表就係投資。但與此同時，領展（８２３）卻一步一步升上歷史高位，開始明白投資需要看更全面的分析。

一年左右的投資經驗，我大致將自己的倉位分成進攻與防守。經過吉利（１７５）同騰訊（７００）的教訓，其實進攻的股票在香港市場選擇太少，而美國絕對係倍升股的市場。

說實話，我仍然是散戶的心態，有空就會看看報價機，不過有一點我經常提醒自己，價格上升不代表價值上升，當然我會因為價格升了高興，但當中的價值要經得起時間的認證才是重中之重。

一直很想去記錄自己買賣，希望可以反思當時的心路歷程。

領展　平均買入價：$73.03

• 很著重年報中的資產提升項目，這項是我持有領展的最大賣點，好似買左一間屋，你將佢裝修做好返少少，放返靚傢私，租個更好的價錢出去，現時仍有３４個項目進行中／待進行／和規劃中的資產提升，將會為領展帶來一個可觀的收入提升。有好多其他REITS，息高但主要防守、甚少進行資產提升，特別係當我走進佢地既商場，明明有機會發展得更好，但卻有種恨鐵不成鋼的感覺，我寧願放錢在一間進取的公司。
• 買賣進取，賣出潛力不高的商場，改而在大陸尋寶。我完全冇擔心過領展的做DEAL能力，所以信任管理層就可以了，多年的往績值得信任。

新鴻基 平均買入價：$130.1

• 新鴻基是最近才買入的，之前的趺浪中未能成功在低位補足，缺乏應對熊市的心態，只好近來才追入。
• 潛力在於新鴻基如何打造一個商場購物圈，我很少去屯門元朗，但近呢幾年睇住YOHO Mall同V City 點樣慢慢成為一個高級商場，有如此創造商場的能力，也是另一個增長動力。

騰訊　平均買人價：$420

• 護城河仍然都在，政策風險、中國企業如何走出中國面向世界，這兩點在往後的投資，絕對會銘記於心，不加不減，繼續持有。

大快活　平均買人價：$30.3

• 對沖食早餐成本，上個業績不太好，但看不出大快活的水準有下降，相信壞日子會過去。

AAPL 平均買人價： $171.7

• 早在升浪時分階段入貨，我一直是果迷，細細個已經用Mac，逃不出蘋果生態圈，蘋果的服務轉型相信值得期待，會不會是下一個Adobe和Microsoft（我指股價Revalue）？
• 護城河、護城河、護城河，這點是蘋果最重要的地方，當有一日聽到身邊既人會離開iPhone或者我有想過離開iPhone，就要重新審視蘋果的價值了

還有一兩隻股票以另一種方式去看待，看了一本書叫超級績效：金融怪傑交易之道，想試試怎樣應用，不在我長期持有名單上。

領展和AAPL，我仍然會不定時以月供／季供的形式分階段入貨，這兩間公司，護城河之深和我對他們的不斷創作價值能力，我沒有懷疑。

人生目標 Mission Statement

今日無意中上網見到一個Post，係關於郵局點樣將香港既人分類（應該係For Marketing Purpose），從而同朋友討論到究竟我地係屬於邊一個階級。我地都係屬於好後既分類，哈哈，姐係輸左起跑線。討論話題慢慢移向究竟我地既人生目標係咩？每日返放工，閒時去下旅行？

記得數年前參與過The 7 Habits of Highly Effective People的講座，印象最深刻的是高效能人士會為自己訂立一個Mission Statement。我記得當時我係寫左咁既野：Target my passive income equal to active income and Share my experience and thoughts to others.

而有人問巴菲特 What is the greatest measure of success? 而佢係咁笞：

Basically, when you get to my age, you'll really measure your success in life by how many of the people you want to have love you actually do love you.

(Detail version: https://www.inc.com/marcel-schwantes/warren-buffett-says-it-doesnt-matter-how-rich-you-are-without-this-1-thing-your-life-is-a-disaster.html )

係香港，我地或多或少會造形形式式既野做比較，大至你做咩行業、住邊區、公屋定私樓，少至返工返邊區、去邊度旅行，彷彿我地要證明我地活著比其他人高尚咁。其實，每個人都有自己既Mission Statement，有屬於我地既跑道，何苦要同其他人處處比較？

真正令我地開心快樂既野同好多我地成日拎黎比較既野冇太大關係，只係佔我地人生既其中一部份。

數年之後，工作左一段時間，都要為我既Mission Statement稍作修正：

• 希望達至財務自由（大慨就是擁有每月６位數的現金流）
• 記錄和分享自己的所見所聞（就係呢度寫Blog既原因吧 )
• 活得健康（人就好似係一台機器，我地要用佢八十幾年，我地唔好好善待佢，又何來活得開心）
• 珍惜和伴侶、家人和朋友的關係（一段好有意思的短片：https://www.youtube.com/watch?v=kma1bPDR-rE）

投資從2018年大時代開始

一直都有用Ticker記錄股票買賣細節，不經不覺「玩」左股票一年。回望返Ticker，第一隻股票係上年二月廿六日買（當時恆指３１５００點），一年過後，依加大約兩萬九點。

由一開始鍾意睇財演教路，到試過輸大左，開始睇唔同Blogger既投資心得，接觸價值投資，希望透過呢度記錄自己投資生活，同時記錄生活的點滴。

幾時開始投資？

Blog名話你知，我係一隻９０後。出左黎做野一年，發現單靠人工，根本唔足於應付香港既生活，要諗買樓生仔退休財務自由，單靠收入，根本唔可能。中學果時已經睇過富爸爸，窮爸爸，但冇諗過點樣實踐，身邊朋友開始傾股票，開始踏上呢條投資路。

第一隻股票？

第一隻股票係吉利汽車（１７５），相信唔洗講都知乜事，廿幾蚊試過掉到得返十蚊（前排我都放左），呢隻股票令我明白政策風險、外圍環境、股票周期。真金白銀輸左先明白投資（投機）可以輸你一半身家。

一年過去諗返起輸左既錢當買個教訓，提醒我以下買賣股票都要諗過度過。

第一次被動收入？

中學時期睇富爸爸窮爸爸，睇到最開心果個位就係講現金流（被動收入），唔洗做野，過左幾個月就有錢收，真係好爽！第一次收股息係領展（８２３），當時收到大約千九蚊既股息，令我不斷諗究竟我要做Ｄ咩先可以緣緣不絕有錢入落我個戶口呢？

寫呢個Blog希望俾自己自律，定時檢討自己投資理念，能夠時刻提醒自己的目標。上網睇親都係買唔起樓，向上流機會少。想實戰證明其實我地呢個年紀都會揾到屬於我地既路