2019年12月20日星期五

2019小總結

好耐冇寫過野,社會發生太多事,政治野拗到你死我活都唔會有結果,就算我認為係咁咁咁,你認為點點點,有能力,有影響力既社會賢能提議當權者可以點樣修補殘局,當權者一意弧行,大局你我都無力改變。

臨近年尾,返埋呢幾日工,放十日假,為自己今年作一個小小既總結:

工作:

工作上今年多左挑戰,主要在於做左三年幾野,唔再好似一開始做野咁冇乜責任,開始要負責多左野,做多左幾個Project,接觸既野唔在局限於散仔角度。都因為咁,年尾收到一個好消息,一月升職加人工,而幅度都唔錯。距離自己既目標又近左少少。

旅行:

四月去左台灣,十月去左紐西蘭,紐西蘭立即成為左我最鍾意既國家,風景優美,生活成本又唔高,當地人好親切又愛護大自然,又接受外來文化,野食又多元化。將來既Plan B,絕對可以考慮!(係移民門檻都幾高,我做既職業又唔符合技術移民,只好儲多幾個錢,睇下將來有冇機會)

投資:

港股倉固然趺左唔少,領展繼續核心持倉,係香港生活,對沖生活成本。美股所持有既AAPL都升左唔少,冇太多野想講,領展見新低既時候入左少少,繼續股票為主,現金為副,係呢個後QE年代,持有大量現金成本太大。



感觸:

其實香港人好善忘,仲記得身邊好多朋友以前成日北上食海底撈飲喜茶,經過左過去幾個月,唔少朋友一百八十度大轉向,其實香港人受軟唔受硬,過去咁多年溫水煮蛙,慢慢融合,好多人不知玩得幾開心。

在位者係要將所有台底野、血腥腥既真相放哂上台,結果推最後生最冇資產最難走果班走到最前,何苦要逼人太盡呢?

將來?

幾個月之前天真相信以為香港可以變返以前咁,香港既核心價值仲存在。經過左中大果晚,醒覺知道一切只係幻想,只係自我催眠。

六月果時寫文已經明白要有Plan B,半年之後既今日,本來仲想催眠自己香港冇變,香港仲可以去返以前咁,睇見政府每次火水救火,雙重標準,今時今刻已經知道冇得返轉頭,Plan B既計劃,只能夠默默進行,成為若干年後要做既事,希望到時逃生門未關,仍有路可走。

尾聲:

Anyway,既然已成定局,只能夠著眼自己既目標,繼續前行,人工加左,每個月可以儲既錢又多左一舊,希望早日財務自由!

財務自由,想做甚麼就做甚麼;最重要是,可以不做甚麼,就不用勉強。


2019年8月19日星期一

黃台之瓜,何堪再摘

轉眼間原來兩個月冇寫,迎兩個多月發生既事,動搖左我本來相信的價值觀。再爭論誰對誰錯也沒有意思,希望早日能平息事件,正如香港首富所言,「黃台之瓜,何堪再摘」,希望大家好好珍惜香港。

一直相信當社會發生社會運動時,當權者應該反思施政時什麼地方做對做錯,而同樣地與示威者進行溝通、釋出善意,讓社會回歸秩序,政府權力來自於人民。看來興我所相信的甚遠。上篇文中提到的Plan B,看來也要加緊規劃,在香港還是香港時,尋找心中的烏托邦。

政治事情說完,近來的倉位稍作調整:



當大快活公佈業績時果斷離埸,總回報 -6%,從短期股價上看來作出了正確的決定。畢竟飲食文化的轉變,長期落去不容樂觀,而堅持只搞快餐的決定,看來消費者唔係太Buy。

在港股少少回調之下,92蚊左右入左領展,一直堅持領展為最大持倉,作為香港霸權股,債息回報下行、踏入減息週期,收息股相對回報只會變得更吸引。

最近也購入了少許必瘦站,當同女朋友傾起醫學美容時,先發覺原來好多職業女性,願意花大量金錢打扮,這個本土行業,不容忽視。而公司主席增持,算是信心的加持。

七月和八月份出左Bonus+Gratuity,令我現金提升了不少,繼續做功課,尋找好的投資機會。




2019年6月17日星期一

香港加油!近幾日所發生的,令我反思的兩件事

香港加油!作為一個土生土長的香港人,過去一星期實在無暇理會股市,有時上班也在看現場的報導。我們一直以來珍貴的司法制度、言論自由、新聞採訪,原來看似必然擁有的東西,在過去一星期變得如此珍貴。

由一開始百萬人上街,林鄭出來回應的是明日照常二讀,到開始有示威者勇武抗爭,最後警方出動催淚彈、橡膠彈射向群眾,這一刻在電腦看直播的我真的流下淚,曾經熟悉的香港,今天變得不一樣,百萬人上街,無數市民站出來發聲,換來的是警方強硬的清場行動和政府無情的回應。

示威者挑釁警察,突破警方防線固然不能站上道德高地,但要明白每個職業都有自己的職業操守,公職人員既一言一行一舉一動,全世界都看在眼內,說警察都有情緒,當時很混亂,這些都是站不著腳的理由,人民看到的是警察對記者無理的驅趕和使用暴力,對示威者冷血無情。

感性過後,所幸的是看見政府暫時撤回條例,但末來仍充滿未知數。

回復理性,讓我學會的是要獲得別人尊重,首先要自己夠強大,才能有條件和別人談判。這令我想起瑞士之所以在一戰二戰直至現在,能保持永遠中立,不是只靠口講,而是全民皆兵,即使受到攻擊,全國也能迅速反應,隨時與敵人作戰。今次的力量在於民眾,但民意轉向,愈來愈多民眾站出來捍衛自己的命運時,強權的政府除非出動軍隊處決人民,不然也不能違背民意。要處法讓自己變得更強大,不論在工作能力和財務時,才有權掌握自己的命運。

但與此同時,說實話,2019年我們能撤回,那麼幾年之後呢?2047呢?當香港一直以來珍貴的核心價值漸漸失去時,如果不能改變,那麼只有尋找Plan B,為自己有機會離開作兩手準備。假若我退休(雖然我先得廿幾歲),我一直的構思也是搬到生活水平較便宜的地方生活,看來也要著手規劃,作兩手準備。

祝香港安好!希望香港珍貴的價值能夠長存在這個地方!

投資的事,還是下一篇再談,過去一個月不加不滅,繼續保持現有持倉。

2019年5月2日星期四

現時倉位—4月結

一個月又差不多接近尾聲,這個月近乎零操作,只是增添了少許美股。有默默地留意著股票,但港股的高息股太貴(寫Blog既時候領展已經升到94蚊),連本來會每季買一次領展都未找到適合的機會。

說實話,我留意的股票真的少之又少,有時看見有網上寫唔同行業的股票,Watch-list當中有數十隻股票,朋友會叫我留意呢隻果隻美股(有朋友能夠同你一齊研究股票,會節省好多了解唔同行業股票的時間)

思前想後,自己對好多行業認知太少,單看年報,根本難以有深入的見解。而港股市場行業單過單一化,有錢都寧願投入到美股市場。



今個月加左少少ServiceNow(Now),就在公佈業績之後,雲計算這個行業的潛力不容忽視。

而蘋果公佈業績之後大升5%,也為整個倉位帶來可觀的收入。其實過去幾個月蘋果的基本面沒有太大的改變,新手機稍作減價、與高通達成協議、蘋果服務收入持續增長,我憧憬之後出的Apple TV+、Apple News、Apple Card和遊戲會為蘋果帶來更強大的服務收入。作為果粉的我看見蘋果升左咁多,幫我對沖左最近買新iPad的開支,實在高興。

呢個月有思考到會唔會本地快餐股基本面有所改變,特別留意到自己的出外用餐習慣有所改變,當出去揾野食既時候,大快活大家樂等快餐店好似從我的選項中剔走,會較為傾向選擇食唔同菜式的餐廳,特別留意到商場的餐廳愈開愈多,唔同菜式都有。係香港本地餐飲的市場中,可能日後的競爭只會愈黎愈激烈。

增持ServiceNow的面值剛好等於持有大快活的面值,可能會在短期之內要放棄呢隻股票。在我呢個年齡,我不希望過度追求息率,反而資產上的增值更重要。



2019年4月19日星期五

生活在香港,我們沒有選擇

樓價脫離市民負擔、香港人沒有生活空間、年青人向上流機會少,社會的問題媒體經常報導,如果係社交媒體講香港年青人仲有好多出路好多途徑上流,又會引來好多網民既無數批評同埋釋放負能量。

有趣的是香港人人都話買唔倒樓,樓價好貴,今個月唔買下個月又會升到買唔起,但當買到你會唔會買樓既時侯又話話寧願將錢用在經歷更加多事,周圍去見識世界。問會否投資股票時,又會話股票好危險,領展(對,我係領展大好友)港鐵係大奸商,唔會同無良公司同流合污。

出黎社會工作一段日子,對有幾樣事情有深刻睇會:

1)香港有不少企業有其壟斷優勢,在於政府政策上的保護和法律失去無形之手去維護小商戶、小租戶、小公司。所以有不少公司不需提供優秀的產品和服務,足於壟斷行業。難怪有些公司長升長有。
2 )負能量的人周圍也是,永恆地看淡,覺得樓價會重回以前,不敢入市卻經常埋怨的人比比皆是,有時很怕與負面的人交流,好易會被佢地影響自己。
3)身邊愈來有錢的人/願意花錢的人真的很多,可能是新一代已經放棄買樓,發覺周邊真的有很多月光族,或花掉大部份金錢用作娛樂和旅遊,身邊能有數個朋友交流儲蓄、投資,真的要好好珍惜,互相提醒激勵

生活在香港,我們沒有選擇,百物騰貴,但在呢個社會也有好多人過住離地生活。只能夠時候提醒自己,在香港生存生活,一定要買入資產,做尋租佬。

上得多面書連登高登,難免會有一種憤世嫉俗的情緒,最近睇左一段短片(How Hong Kong is home to the crazy rich and the mega poor)其中一個老婆婆既說話,我深感認同。

https://www.youtube.com/watch?v=EUHDAfD0Z-Q
(21:45開始)

If you'are poor, you need to work. Some people are born rich and some are born poor in this world. If people have money, you shouldn't feel jealous or hate them. If you're poor, then accept the fact that you are poor.

只有自己不斷努力,才能改變現時的生活環境。對世界埋怨,改變不了現狀。